༈ མཛེས་ལེགས་ འདི།
༡༽ མཛེས་པའི་ ཡུལ་ལྗོངས་ འབྲས་ལྗོངས་འདི།
གངས་ཆེན་ མཛོད་ལྔ་ དཔང་པོ་ཡོད།
མཚོ་ཆེན་ བརྒྱ་དང་ དགུ་ཙུ་ཡོད།
སྤང་ལྗོངས་ ཡུལ་ལྗོངས་ བྱིན་ཆགས་ཡོད།
༢༽ བྱ༹ས་ དང་ གཅན་གཟན་ རིགས་ཡོད་པོ།
མེ་ཏོག་ ཤིང་སྣ་ མཛེས་ཡོད་པོ།
སྨན་རིགས་ ཤིང་སྣ་ ཚོགས་ཡོད་པོ།
མཁས་དབང་ ལྷན་རྒྱས་ བཞུགས་ཡོད་པོ།
༣༽ཡུལ་དང་ རྫོང་ཙུ་ ཕུན་ཚོགས་ཡོད།
བྱ༹་དང་ རིགས་དྭགས་ སྣ་ཚོགས་ཡོད།
མི་རིགས་ སྐྱེབ་ཅིག་ ཐུན་ཡོད་པོ།
ང་ཅའི་ འབྲས་ལྗོངས་ མངའ་སྡེ་ནང་།
༤༽ལྷོ་རིགས་ མོན་རིགས་ གཙོང་རིགས་ཙུ།
ཕ་མ་ གཉིས་ཀྱི་ སྤུན་འདྲ་བོ།
ཐམས་ཅད་ མཉམ་རུབ་ མཉམ་གཅིག་ལོ།
སྐད་དང་ རིགས་གཞུང་ ཡར་རྒྱས་ཡོད།
༥༽འབྲས་ལྗོངས་ ཕྱོགས་བཞི་ སློབ་གྲྭ་ལོ།
སྐད་དང་ ལུགས་སྲོལ་ སྦྱང་བཞིན་ཡོད།
མཁས་དབང་ ཙུ་ཀིས་ ཐུགས་རྗེ་ལས།
རིགས་གཞུང་ ལུགས་སྲོལ་ ཡར་རྒྱས་ཡོད།
༦༽ ལྷོ་ཕྱོགས་ ཡུལ་ལས་ བྱོན་བོ་མི།
ལམ་དང་ ལུགས་སྲོལ་ རིགས་གཞུང་ཙུ།
སྐད་དང་ ཡེ་གི་ མཛེས་པོ་ཡོད།
ལྷོ་རིགས་ ཡར་རྒྱས་ ཐོན་བཞིན་ཨིན།
༧༽སློབ་དཔོན་ སློབ་དཔོནམ་ མཁས་དབང་ཙུ།
ཤེས་བྱ་ དར་ཁྱབ་ འཕེལ་བཞིན་ཡོད།
མཁས་པ་ མཁས་པོའི་ རིགས་གནས་ཙུ།
གཞན་ལོ་ ཤེས་ཡོན་ སྟོན་བཞིན་ཡོད།
༨༽ སྦས་གནས་ འདི་ལོ་ བཞུགས་པའི་མི།
ཆོས་དང་ རིགས་གནས་ སྦྱང་བཞིན་ཡོད།
ལྡུམ་རའི་ མེ་ཏོག་ མཛེས་པོ་འདྲའོ།
རང་སྐད་ སྐྱབས་ནེ་ མཛེས་སྐྲགས་ཨིན༎
ཐུབ་བསྟན་ དཔལ་བཟང་།།
No comments:
Post a Comment