ཆོས་འཁོར་ དུས་ཆེན།
སངས་རྒྱས་ མངོན་པར་ རྡོ་རྗེ་གདན།
ཞག་པོ་ བདུན་ཕྲག་ བདུན་ཟངས་ལོ།
ཟབ་རྒྱས་ ཆོས་ཀྱི་ ཕུང་པོ་འདི།
ཚིག་གི་ བདུད་རྩི་ མ་གསུང་བར།
དམ་བཅའ་ བཞེས་པའི་ དུས་ཚོད་ན།
ལྷ་རྒྱལ་ ཚངས་པོ་ བརྒྱ་བྱིན་གྱིས།
གསོལ་བ་ འདེབས་པར་ ཆོས་འཁོར་ལོ།
དམ་བཅའ་ ནང་ལས་ བཞེང་སྟི་ཀིས།
ཆོས་འཁོར་ དུས་བཟང་ གཟིགས་སྟི་ཀི།
ཝ་ར་ དྲང་སྲོང་ ནགས་ཕྱོགས་ལོ།
ལྔ་སྡེ་ ལྷ་ཁྲི་ སེམས་ཅན་ལོ།
ཆོས་ཀྱི་ འཁོར་ལོ་ བདེན་བཞི་གསུང་།
སོ་ལྔ་ ཟླ་དྲུག་ ཚེས་བཞི་ལོ།
བདེན་བཞི་ ཐོབ་པའི་ དགྲ་བཅོམ་སོགས།
ལྷ་དང་ འགྲོ་བ་ བདེན་མཐོང་ལས།
ཆོས་འཁོར་ དུས་བཟང་ མཁྱེན་བོ་གནང་༎
༼ངས་ བསམ་འཆར་ དྲུག་པ་ ཚེས་བཞི་ དུས་ཆེན་ འདི་ནང་ལོ་ ང་ཅག་ འབྲས་ལྗོངས་ལོ་ ཆོས་བཤད་ཀྱི་ དོན་ལས་ ཐུགས་བསམ་ གནང་དགོས་པོ་ འདུག་ མ་འོངས་པོ་ན་ ཆོས་བཤད་ བྱ༹ས་བའི་ ལུགས་སྲོལ་ བཟོ་དགོས་པོ་ འདུག ད་ལྟ་ཟངས་ མིན་འདུག་ དམིགས་བསལ་གྱི་ དྲུག་པ་ ཚེས་བཞི་ སྐབས་ལོ་ འདི་ ང་ཅག་ ཐམས་ཅད་ཀྱི་ ཐུགས་དོན་ གནང་དགོས་ ཞུ།༽
ཐུབ་བསྟན་དཔལ་བཟང་གིས།
No comments:
Post a Comment