༅༅། །འབྲས་ལྗོངས་ཀྱི་ མཁས་དབང་ སྐུ་ཞབས་ པདྨ་ རིག་འཛིན་ མཆོག་གིས་ བཀའ་སློབ་ བདུད་རྩི་ ཐིག་པ་ ནེ།
ང་ཅའི་ སྐད་ཡིག་ འདི་ ལོ་ལྟར་ དར་ཁྱབ་ ཆེ་བཞིན་ ཆེ་བཞིན་ འགྱུ་བཞིན་ ཡོད་པོ ཏོ་ མཁྱེན་གསལ་རང་ སྦད། ལོ་ ཉི་ཤུ་ རྩ་ལྔའི་ རྒྱབ་ལོ་ ང་ཅའི་ སྐད་ཡིག་ འདིས་ཡང་ མཐོ་རིམ་ སློབ་གྲྭའི་ སློབ་ཚན་ན་ ཕྱི་ལོ་ ཉི་སྟོང་ ལོ་ལས་ ས་ཆ་ ཐོབ་པོ་ སྦད། འདིས་ ཨིན་ཟང་ ད་ ང་ཅག་ ཐམས་ཅད་ གང་པོ་ཀིས་ ང་ཅའི་ སྐད་ཡིག་ འདི་ལོ་ བདག་ཀུ་ དང་ ཅ་ག་ ལེམ་ རྐྱབས་སྟི་ ཡར་རྒྱས་ བཏང་བའི་ དུས་ཚོད་ སླེབས་སྟི་ སྡོད་ ཡོད། འདི་ དང་ འབྲེལ་སྡི་ ལོ་ དུ་ཅིག་ལས་ མུ་མཐུད་སྟི་ རྩོམ་བྲིས་བོ་ ག་ཡོད་ ཐམས་ཅད་ཀྱིས་ རུབ་སྟི་ ལོ་ལྟར་ དུས་དེབ་ རེ་རེ་ ཨིན་ཅིག་ མན་ཅིག་ པར་བསྐྲུན་ ཞུས་སྟི་ ལྷོ་སྐད་ སྐྱབས་སྟངས་ གང་པོ་ དང་ ལྷོ་ཡིག་ སྒྲོགས་ལྟངས་ གང་པོ་ ཐངས་ཅད་ཀྱི་ སྒོམ་མདུན་རྩར་ སྐྱེལ་སྡི་ ཐམས་ཅད་ གང་པོའི་ བློ་འདོད་ དང་ དྭངས་འདོད་ ང་ཅའི་ སྐད་ཡིག་ འདིའི་ ངོས་ལོ་ སྐྱེ་ཚུགས་པོ་ བཟོ་བར་ ཅེ་ན་ ང་ཅའི་ སྐད་ཡིག་ འདི་ ད་རུང་ འདི་ལས་ ལྷག་ཚོད་ ཡར་རྒྱས་ འཐོན་བ་ དུས་ཚོད་ ཀེས་པོ་ མི་དགོས།
No comments:
Post a Comment