༅༅། །འབྲས་ལྗོངས་ ལྷོ་སྐད་ འགོ་ དང་པོ་ དབུས་གཙུགས་ཀོ་
གནང་མཁན་ མཁས་དབང་ པདྨ་ ཤྲིའི་
སྐུ་ཞབས་ ནོར་ལྡན་ ཚེ་རིང་ མཆོག་གི་ གསུངས་ ཕྲིན་ མ་རིགས་ མུན་གསེལ་ ནེ། ལོ་ ཀེས་པའི་ སྔོན་ལོ་ཟང་ ལྷོ་སྐད་ རྐྱབས་མཁན་ ཡོད་རུང་ སྐད་ འདི་ ཡིག་ཐོག་ལོ་ མེད་མཁན་ སྦད། དམིགས་བསལ་གྱིས་ སྤྱི་ལོ་ ༡༩༧༧ ལོའི་ ནང་ལས་ ཚུར་སྟི་ ལྷོ་སྐད་ འདི་ལོ་ ཡིག་ཐོག་ན་ བཏོན་སྡི་ འབྲས་ལྗོངས་ ཡོངས་ནང་གི་ སྔོན་འགྲོའི་ སློབ་གྲྭ་ཙུའི་ ནང་ལས་ འགོ་ བཙུགས་སྟི་ གནས་སྐབས་ མཐོ་རིམ་ སློབ་གྲྭའི་ ལེའུ་ཚན་ ཟང་སྟི་ སླེབས་སྟི་ སྡོད་ ཡོད་པོ་ མི་ཚད་ རྩོམ་ བྲིས་པོ་ ཀེས་པས་ དེབ་ འདྲ་ མན་འདྲ་བོ་ ཀེས་པོ་ བྲི་སྟི་ པར་བསྐྲུན་ ཞུ་བཞིན་པའི་ ཁ་བསྣན་ གསར་ཤོག་ དང་ ད་ལྟའི་ འབྲས་ལྗོངས་ ལྷོ་ཡིག་ན་ བྲི་སྟི་ ལྷོ་སྐད་ མཁྱེན་སྟང་ གང་པོ་ དང་ ལྷོ་ཡིག་ བྲི་ ཤད་ མཁྱེན་སྟང་ གང་པོ་ཀིས་ དེབ་ཙུ་ དང་ གསར་ཤོག་ཙུ་ རང་སྐད་ ཐོག་ལོ་ འཇོས་ བདེ་དྲགས་ བྱ༹ས་སྟི་ སྒྲོགས་ ཐོབ་བཞིན་པོ་ དང་ བྲི་ ཐོབ་བཞིན་པོ་ ང་ཅག་ཙུས་ ་སོ་བདེ་ བཟང་བའི་ རྟགས་ ཨིན། འདེ་རང་ བྱ༹ས་སྟི་ འབྲས་ལྗོངས་ སྐད་རབས་ ཡར་རྒྱས་ ཚོགས་པོའི་ ཉ་གང་གི་ ཟླ་བོ་ ནང་བཞིན་ ལྷོ་ཡིག་ འདིས་ཡང་ སྐད་ཡིག་ གཞན་ དང་ འགྲན་འདྲ་ གོམས་པོ་ སྔོན་ལོ་ འཕར་བཞིན་ ཡོད་པོ་ འདི་ ང་ཅའི་ བསྟན་པོ་ གོང་ནས་ གོང་འཕེལ་དུ་ འགྱུ་བའི་ མཚན་རྟགས་ བཟང་པོ་ གཅིག་ སྦད། བྲི་སྟང་ གང་པོ་ ལྷན་རྒྱས་ ཐམས་ཅད་ཀྱི་ ཐུགས་བསམ་ བཟང་པོ་ བཞེས་སྟི་ འདི་ འདྲ་བའི་ དུས་ བདེ་ཙུ་ མུ་མཐུད་སྟི་ བྲི་བཞིན་ པར་བསྐྲུན་ ཞུ་བའི་ རེ་བ་ བཅས་ ཟླ་ཚེས་ བཟང་པོར་ སྐད་རབས་ ཡར་རྒྱས་ ཚོགས་པོའི་ དྲུང་ཆེན་ ནོར་ལྡན་ ཚེ་རིང་གིས་ གསུངས་བོ་ ཨིན།
No comments:
Post a Comment